आफूहरू नै आधिकारिक नेकपा भएको माधव नेपालको दावी

राजनीति

गृहपृष्ठ
राजनीति
आफूहरू नै आधिकारिक नेकपा भएको माधव नेपालको दावी

आफूहरू नै आधिकारिक नेकपा भएको माधव नेपालको दावी

सोमबार, पुस २७, २०७७ शब्दचित्र

काठमाडौं । नेपाल कम्युनिस्ट पार्टी (नेकपा) प्रचण्ड–नेपाल समूहका अध्यक्ष माधवकुमार नेपालले आफूहरू नै आधिकारिक नेकपा भएको बताएका छन् ।

आफूहरू नै आधिकारिक नेकपा भएकाले निर्वाचन आयोगले आफूहरूलाई नै आधिकारिकता दिने उनको भनाइ छ ।

‘निर्वाचन आयोगले कुनै व्यक्तिको लहडमा नचल्ने बताएको छ । आयोगले ४४१ जनाको केन्द्रीय कमिटी र पार्टीको विधानअनुसार निर्णय गर्नेछ’, सोमवार राजधानीमा आयोजित बृहत् नागरिक भेलामा नेपालले भने ।

निर्वाचन आयोगले प्रचण्ड–माधव पक्षलाई पठाएको पत्र बारे स्पष्ट पार्न उनीहरु आजै निर्वाचन आयोग पुगेका थिए ।

नेकपाको प्रचण्ड–माधव र ओली समूहले पार्टीको आधिकारीकताका लागि निर्वाचन आयोगमा दावी प्रस्तुत गरेका छन् । सोही बीचमा प्रचण्ड र नेपाललगायतका नेताहरु आयोग पुगेका थिए ।

आयोगबाट फर्किएलगत्तै बृहत् नागरिक भेलामा सहभागी भएका उनले प्रधानमन्त्री केपी शर्मा ओलीले बाटोमा हिँडिरहेकालाई समेत केन्द्रीय सदस्य बनाउन थालेपछि मानिसहरु बालुवाटारको बाटो हिँड्नै छाडेको भन्दै व्यङग्य गरे । नेपालले ओली गणतन्त्रप्रति चिन्तित नरहेको समेत आरोप लगाए ।

प्रकाशित मिति: सोमबार, पुस २७, २०७७ १५:५३

प्रतिक्रिया दिनुहोस्