हिमालय बैंकले एफपीओमा आजदेखि आवेदन दिन पाइने

कर्पोरेट

गृहपृष्ठ
कर्पोरेट
हिमालय बैंकले एफपीओमा आजदेखि आवेदन दिन पाइने

हिमालय बैंकले एफपीओमा आजदेखि आवेदन दिन पाइने

बुधबार, साउन १, २०८२ शब्दचित्र

काठमाडौं । क वर्गको वाणिज्य बैंक हिमालय बैंक लिमिटेडले आजदेखि सर्वसाधारणका लागि थप सार्वजनिक निष्कासन अर्थात् एफपीओ जारी गरेको छ ।

बैंकले यही आजदेखि एफपीओ निष्कासन गर्नका लागि नेपाल धितोपत्र बोर्डबाट अनुमति पाइसकेको छ ।

बैंकले १ अर्ब ४५ करोड २३ लाख २३ हजार रकमबराबर प्रतिकित्ता १०० अंकित दरमा ५७ प्रिमियम थप गरी जम्मा १५७ दरका ९२ लाख ५० हजार ४६९कित्ता एफपीओ जारी गर्न लागेको हो ।

बैंकको कुल चुक्ता पुँजी २१ अर्ब ६५ करोड ६६ लाख १५ हजार ६३१ रुपैयाँको ७२.९९ प्रतिशले हुन आउने संस्थापक समूहको १५ अर्ब ८० करोड ७१ लाख ६३ हजार ७४९ र २७.०१ प्रतिशले हुन आउने सर्वसाधारण समूहको ५ अर्ब ८४ करोड ९४ लाख ५१ हजार ८८१ रकमबराबरको सेयर कायम रहेको हुनाले बैंक तथा वित्तीय संस्था सम्बन्धी ऐन, २०७३ बमोजिम कुल जारी पूँजीको कम्तीमा ३० प्रतिशत सेयर सर्वसाधारणलाई छुट्याउनु पर्ने हुँदा एफपीओ जारी गर्न लागिएको बैंकले जनाएको छ ।

एफपीओको निष्कासन बन्द छिटोमा साउन ४ गते र ढिलोमा साउन १४ गते बैंकिङ समयपछि हुनेछ । लगानीकर्ताले एफपीओमा न्यूनतम १० कित्ताका लागि आवेदन दिनु पर्नेछ भने अधिकतममा सम्पूर्ण कित्तासम्मका लागि आवेदन दिन सक्नेछन् ।

धितोपत्र निष्कासन तथा बिक्री प्रबन्धकका रुपमा सिटिजन्स क्यापिटल मार्केट लिमिटेड रहेको छ ।

प्रकाशित मिति: बुधबार, साउन १, २०८२ ०८:२६