केपी ओलीलाई मातृका यादवको चुनौति– संसदबाट राजीनामा दिनुस्

समाचार

गृहपृष्ठ
समाचार
केपी ओलीलाई मातृका यादवको चुनौति– संसदबाट राजीनामा दिनुस्

केपी ओलीलाई मातृका यादवको चुनौति– संसदबाट राजीनामा दिनुस्

बिहीबार, साउन २८, २०७८ शब्दचित्र

नेकपा (माओवादी केन्द्र) का नेता मातृका यादवले नेकपा (एमाले) का अध्यक्ष केपी ओलीलाई सांसद पदबाट राजीनामा दिन आग्रह गरेका छन् ।

परमादेशबाट आएको सरकार भनेर बारम्बार अपमान गरेको भन्दै नेता यादवले बिहीबारको प्रतिनिधिसभा बैठकमा ओलीलाई राजीनामा दिन आग्रह गरेका हुन् ।

‘संविधान लेख्ने, सही भन्ने र उत्सव मनाउनेले संविधानको आफूखुसी प्रयोग गर्ने काम रोक्दा परमादेशबाट आएको हो भन्ने ?’ बिहीबारको प्रतिनिधिसभा बैठकमा यादवले भने, ‘परमादेश भन्ने पूर्वप्रधानमन्त्री ओलीलाई के आग्रह गर्छु भने यो हाउसमा नआइकन राजीनामा गर्न आग्रह गर्छु ।’

राजीनामा दिएर चुनाव लडे हुन्छ भन्दै नेता यादवले सरकारले ६ महिनामा निर्वाचन गराउने पनि बताए । उनले परमादेशबाट आएको संसद भन्ने अरु सांसदलाई पन िराजीनामा गर्न र उपनिर्वाचन जितेर आउन सुझाव दिए ।

‘परमादेशबाट आएको छ भन्ने लाग्छ भने राजीनामा दिए हुन्छ । ज–जसलाई परमादेश भनेर लागेको छ राजीनामा दिए हुन्छ,’ यादवले भने, ‘जनादेशबाट निर्माण भएको प्रतिनिधिसभा हो । त्यसबाट यहाँ आएका मान्छे हौँ, जे मन लाग्यो त्यही बोल्ने जुन सदनमा आएको छ त्यसकै अपमान गर्ने ?’

प्रकाशित मिति: बिहीबार, साउन २८, २०७८ १७:०७

प्रतिक्रिया दिनुहोस्